O pasado mércores 6 de maio os alumnos e alumnas de 5º e 6º de Ed, Primaria descubrimos algúns dos segredos que agocha a Ría de Vigo. Son, sen dúbida, moitas as historias que naceron nestas augas, pero ningunha tan emocionante como a da Batalla de Rande. O museo Meirande, centro de interpretación desta batalla, recibiunos con moita información acerca do que sucedeu en 1702 e que tan ben recolle Xulio Verne no seu libro "20.000 leguas de viaxe submarino". Este pequeno museo, de recente creación, ten salas dedicadas aos galeóns, con algunhas maquetas fantásticas; a vida a bordo dun navío destas características; ou a todo aquilo que se trouxo de América e que había cambiar a vida dos europeos. E por suposto, sobre a propia batalla e o tesouro que se perdeu para sempre xunto cos pecios dos barcos.
Despois, seguindo coa nosa ruta en barco, achegámonos á Illa de San Simón. Que poderíamos dicir dela que non se saiba xa. Lazareto, hospital, cárcere, residencia vacacional... a illa esconde historias fermosas e dramáticas dende as lonxanas épocas da Idade Media en que xa aparecía nas Cantigas dos trobadores.
Foi, en definitiva, unha xornada lúdica na que tamén tivemos a oportunidade de aprender un montón de cousas.
Aquí tedes unhas fotos...
 |
| No porto coincidimos con dous "barquiños"... |
 |
| O noso era un pouco máis pequeno. |
 |
| Pasando por debaixo de Rande |
 |
| A ponte de Rande |
 |
| Museo Meirande |
 |
| Así vestían a comezos do século XVIII |
 |
| As batallas navais debían ser terribles |
 |
| Para ser buzo hai que andar con pés de chumbo |
 |
| Preparados para o mergullo |
 |
| Os monitores tentando que non durmamos |
 |
| Illa de San Simón |
 |
| Descubrindo a Illa de San Simón |
 |
| Parece pequena, pero... |
 |
| A ponte que une San Simón con San Antón |
 |
| No medio da Ría |
 |
| Isto era un cinco estrelas |
 |
| Camiños na illa |
 |
| O Nautilus tamén estivo aquí |
 |
| Momumento a Xulio Verne |
 |
| Os nosos monitores en San Simón |
 |
| Descubrindo segredos |
 |
| Camiño entre as árborse |
 |
| Iso que está no cruceiro, será un cormorán? |
 |
| Os trobadores medievais |
 |
| Non hai mellores vistas da ponte |
